Pyar Ka Rang

Gori Radha Ne Kaha Ek Din Yeh Kaale Krishn Se
Bolo Kanha, Tum Mere Peechhe Pade Ho Kis Liye

Mai Hun Gori Tu Ho Kaale Mujhko Lagta Hai Yeh Dar
Kaali Ho Jaungi Main, Tum Ne Mujhe Chhua Agar

Ek Bhanwra Ko Dikha Kar Bole Kanha, Radhika !
Dekho Yeh Bhanwra Hai Kala, Ras Ka Lobhi, Manchala

Neele, Peele, Laal, Ujle, Har Tarha Har Dhang Ke
Phool Khilte Hain Hazaron Baagh Me Har Rang

Ujle Phoolon Par Bhi Bhanwra Baithta Hai BeJhijhak
Phir Bhi Joon Ki Toon Hai Juhi Aur Bele Ki Jhamak

Hans Ke Boli Radhika,Tum Theek Kahte Ho Priye
Main Tumhari Hu, Hai Tan Mera Tumhare Hi Liye

Shubh Bahut Hota Hai Kaale Aur Gore Ka Milan
Door Kardi Tumne Jo Thi Zehan Me Mere Uljhan